Ծրագրի անվանումը – «Մասնակցային մոնիթորինգ՝ հանուն խելացի համայնքների ստեղծման Հայաստանում»
Կոալիցիայի անվանումը – «ՀամաԶարԿ» («Համայնքների զարգացման և մասնակցային կառավարման միավորում»)
Կոնսոցիումի կազմը – «Կոմպասս» գիտահետազոտական, կրթական և խորհրդատվական կենտրոն ՀԿ, «ՀԿ Կենտրոն», «Դիլիջանի երիտասարդների համագործակցության կենտրոն» ՀԿ , «Տեղեկատվական համակարգերի զարգացման եվ վերապատրաստման կենտրոն» ՀԿ,
Ծրագրի տևողությունը – 12 ամիս
Ծրագրի բյուջեն – Ծրագրի ընդհանուր բյուջեն՝ 24 986 000 ՀՀ դրամ, «Կառուցողական երկխոսության հանձնառություն» ծրագրից հայցվող ֆինանսավորման չափը՝ 22 487 000 ՀՀ դրամ, Դիմողի ֆինանսական ներդրման չափը՝ 2 498 600 ՀՀ դրամ
Իրականացման վայրը – Շիրակի, Լոռու և Տավուշի մարզերի մարզկենտրոնների համայնքներ
Կարիքի հիմավորում. Վերջին երեք տարիների կտրվածքով Շիրակի, Լոռու և Տավուշի մարզերի մարզկենտրոնների համայնքների բյուջետային միջոցների 12-15%-ն ուղղվում են աղբահանության, կոմունալ ծառայությունների և շրջակա միջավայրի պաշտպանությանը, սակայն էական փոփոխություններ չեն նկատվում, բնակիչները մշտապես դժշգոհում են մատուցվող ծառայություններից, իսկ պատկան մարմիններն այլընտրանքային լուծումներ չեն կիրառում:
Կարիք կա ուսումնասիրել, վերլուծել և գնահատել Ներհամայնքային ճանապարհների և փողոցների պահպանության, շահագործման և նորոգման, Աղբահանություն և սանիտարական մաքրման, և Ներհամայնքային փողոցների լուսավորության ոլորտները, բացահայտել առկա խնդիրները, մշակել և ՏԻՄ-ին ներկայացնել խնդիրների այլընտրանքային լուծման առաջարկությունների փաթեթ՝ մշակված բոլոր շահագրգիռ կողմերի հետ:
«Մասնակցային մոնիթորինգ՝ հանուն խելացի համայնքների ստեղծման Հայաստանում» ծրագրի նպատակն է նպաստել Շիրակի, լոռու և Տավուշի մարզերում ընտրված խոշորացված համայնքներում տեղական ինքնակառավարման մարմինների կողմից մատուցվող ծառայությունների որակի բարձրացմանը` ոլորտի հանրային քաղաքականության բարելավման, մոնիթորինգի իրականացման և ջատագովության միջոցով:
Ծրագրի իրականացման տարածքային ծածկույթն ընդգրկում է ՀՀ երեք մարզերը՝ Շիրակը, Լոռին և Տավուշը։ Երեք մարզերից ընդգրկվել են Ախուրյան և Աշոցք, Ստեփանավան և Թումանյան, Իջևան և Նոյեմբերյան խոշորացված համայնքները։ Ծրագրային մի քանի գործողություններ կիրականացվեն նաև Երևան քաղաքում՝ կապված ծրագրի փորձագիտական և տեխնիկական աջակցության հետ։
Ծրագրի խնդիրներն են՝
- Բացահայտել երեք մարզերի թիրախային 6 համայնքապետարանների կողմից ներհամայնքային ճանապարհների և փողոցների պահպանության, շահագործման և նորոգման, Աղբահանություն և սանիտարական մաքրման և Ներհամայնքային փողոցների լուսավորության ոլորտներում մատուցվող ծառայությունների արդյունավետության վերաբերյալ բնակչության գնահատականը,
- Վերլուծել թիրախ համայնքների բյուջետային միջոցների արդյունավետությունը մասնակցային մոնիթորինգի միջոցով,
- Աջակցել թիրախ համայնքապետարանների կողմից մատուցվող հանրային ծառայությունների առավել արդյունավետ մեխանիզմների նեդրմանը,
- Բարձրացնել բնակչության մասնակցությունը հանրային կառավարման ոլորտում՝ ապահովելով բարեփոխումների արդյունավետ իրականացումը։
Ծրագրի գործողություններ՝
- Աշխատանքային խմբի ստեղծում, ծրագրի մեկնարկի մասին մամուլի ասուլիսի կազմակերպում
- Քաղաքացի-մոնիթորների վերապատրաստում
- 3 մարզերի 6 համայնքների բնակիչների շրջանում հարցումների անցկացում և արդյունքների վերլուծություն
- Տվյալների հարցում ՏԻՄ-երից
- Կոալիցիայի ստեղխում
- «Town Hall» ձևաչափով քննարկումների անցկացում 3 մարզերում
- «Chatham House» ձևաչափով փորձագիտական մեկ աշխատաժողովի անցկացում Գյումրիում
- Մասնակցային մոնիթորինգի արդյունքների վերաբերյալ համախպարփակ զեկույցի հրապարակում
- Ընտրված 6 համայնքների պաշտոնական կայքերում նոր բաժնի ստեղծում
- Ծրագրի արդյունքների ջատագովում, տարածում, շահերի պաշտպանություն
- Ծրագրի ամփոփում, ամփոփիչ միջոցառման կազմակերպում:
Ծրագրից ակնկալվող արդյունքներն են.
- Ընտրված 3 ոլորտներում մատուվող ծառայությունների վերաբերյալ ՔՀԿ-ների, քաղաքացիների և ՏԻՄ-ի մասնակցությամբ համապարփակ հետազոտություն և առաջարկությունների փաթեթ,
- Ոլորտի հիմնախնդիրների ու դրանց լուծման առաջարկությունների ջատագովություն ՝ տարբեր շահագրգիռ կողմերի համախմբմամբ՝ տեղական ու ազգային մակարդակներում,
- Համայնքների կայքերում մասնակցայնության և թափանցիկության գործիքների ավելացում։
- Համայնքների զարգացման և մասնակցային կառավարման կոալիցայի շարունակական գործունեություն:
Երկրորդ ծրագիր – «ՀամաԶարԿ»՝ «Համայնքների զարգացման և մասնակցային կառավարման» կոալիցիայի կարողությունների զարգացում
Ծրագրի հիմնական նպատակն է նպաստել Կոալիցիայի և կոալիցիայի անդամ կառույցների կարողությունների զարգացմանը՝ ի նպաստ ՀՀ ամբողջ տարածքում խոշորացված համայնքների գործունեության բարելավմանը:
Ծրագրի առանձնահատուկ նպատակներն են /խնդիրները/՝
Ա) Ստեղծել կայուն երկխոսության հարթակներ Կոալիցիայի անդամ կառույցների և իրենց համայնքների ՏԻՄ-երի միջև:
Բ) Ստեղծել Կոալիցիայի արտաքին գործընկերների ցանց՝ արտերկրի համանման գործունեություն իրականացնող կառույցների հետ համատեղ ծրագրերի իրականացման համար:
Գ) Նպաստել կոալիցիայի ցանցում ընդգրկված ՀՀ խոշորացված համայնքներում «խելացի» կառավարման բաղադրիչի
կիրառմանը:
Ծրագրից ակնկալվող արդյունքներն են․
Ա) Կոալիցիայի ներքին կարողությունների զարգացում՝ մշակված ռազմավարության, գործողությունների ծրագրի, ֆինանսական կայունության պլանի և ներքին կարգավորող փաստաթղթերի փաթեթի օգնությամբ, կոալիցիայի անդամ կառույցների վերապատրաստում՝ մշակված ուղեցույցի հիման վրա:
Բ)Կոալիցիայի արտաքին կարողությունների զարգացում՝ գործուն վեբ կայքի, ոլորտային հմտությունների զարգացման, արտաքին գործընկերների ցանցի, առնվազն երեք օտարերկրյա գործընկերների հետ համագործակցության հաստատում «ՀամաԶարԿ»-ՏԻՄ երկխոսության հարթակների ստեղծման օգնությամբ:
Գ) Կոալիցիայի ճանաչելիություն:
Դ) ՀՀ-ում «խելացի» համայնքների ստեղծան գործընթացի խթանում:
