«Կառուցողական երկխոսության հանձնառություն» ծրագրի ինկուբատորների մասնակիցները մայիսի 25-ին՝ 14:30, կհանդիպեն ՀՀ աշխատանքի և սոցիալական հարցերի փոխնախարար Սոնա Հարությունյանի և այլ ստորաբաժանումների ներկայացուցիչների հետ: Կներկայացվի ծրագրի ինկուբատորների բաղադրիչը, և երկկողմ համագործակցության շուրջ պայմանավորվածություններ ձեռք կբերվեն:
Քաղաքացիական հասարակության կազմակերպությունների (ՔՀԿ) ինկուբատորները միտված են՝ նպաստելու ՔՀԿ-ների կարողությունների զարգացմանը և գործունեության արդյունավետության բարձրացմանը:
ՔՀԿ-ների ինկուբատորները անցկացվելու են երկու փուլով հետևյալ հինգ քաղաքներում․ Երևան, Գյումրի, Վանաձոր, Գավառ և Կապան։ Յուրաքանչյուր փուլին, ընդհանուր առմամբ, մասնակցելու են 36 ՔՀԿ-ներ, որոնք ընտրվելու են Հայաստանում Ամերիկյան Համալսարանի կողմից կազմակերպված ուսուցումն ավարտած ՔՀԿ-ների շարքից։ ՔՀԿ-ների ինկուբատորները ավարտելուց հետո մրցութային հիմունքներով տրամադրվելու են ընդհանուր թվով 33 դրամաշնորհներ, յուրաքանչյուր փուլի համար նախատեսելով 16-17 դրամաշնորհ։
Տավուշի մարզի ՔՀԿ-ները հնարավորություն կունենան օգտվելու Վանաձորում գործող ինկուբատորից, Արագածոտնի ՔՀԿ-ները՝ Երևանի, Գյումրու և Վանաձորի ինկուբատորներից՝ ըստ ՔՀԿ-ների տարածքային դիրքից, Վայոց Ձորի ՔՀԿ-ները՝ Կապանի կամ Երևանի ինկուբատորից։