Ծրագրի անվանումը. «Նոր հնարավորություններ ականապատման պատճառով հողամասերի մեծ մասից զրկված բնակչության համար»
Կազմակերպության անվանումը. «Իջևան երիտասարդական դաշինք» ՀԿ
Ծրագրի տևողությունը. 6 ամիս
Ծրագրի ընդհանուր բյուջեն. 5.500.000 ՀՀ դրամ: «Կառուցողական երկխոսության հանձնառություն» ծրագրից հայցվող ֆինանսավորման չափը. 4.950.000 ՀՀ դրամ: Դիմողի ֆինանսական ներդրման չափը. 550.000 ՀՀ դրամ:
Իրականացման վայրը. ՀՀ
Սույն ծրագրով Տավուշի մարզի Իջևանի տարածաշրջանի սահմանամերձ Այգեհովիտ և Վազաշեն գյուղերում ՔՀԿ-ՏԻՄ-Կառավարություն սերտ համագործակցությամբ հաստատակամորեն փորձ է արվում փոխելու և բարելավելու պետական և համայնքային քաղաքականությունը ականապատման պատճառով հողամասերի մեծ կորուստ ունեցող բնակչության նկատմամբ: Ծրագրի շրջանակներում ստեղծված մասնագիտական խմբի կողմից, որի կազմում ընդգրկվելու են համայնքապետարանների, մարզպետարանի ու քաղհասարակության ներկայացուցիչներ և ղեկավարվելու է հատուկ ծրագրով հրավիրված փորձագետի կողմից, քննարկվելու, վեր է հանվելու այս հատվածում կուտակված խնդիրները և մշակվելու է սահմանամերձ հատվածի գոտիավորման և ականապատված հողամասերի սեփականատերերին փոխհատուցման վերաբերյալ կառավարության որոշման նախագծեր և ուղարկվելու Տարածքային կառավարման և զարգացման նախարարություն հավանության արժանացնելու և կառավարության հաստատման ներկայացնելու համար: Ծրագրով նախատեսվում է նաև վերոնշյալ երկու համայնքներում ընտրել հողամասերի լուրջ կորուստներ ունեցող և սակավ հողամասերով գոյատևող բնակչությունից կազմված մեկական խումբ՝ ծրագրով հրավիրված փորձագետների կողմից գինեգործության, չրագործության և ՏԻՄ օրենսդրության վերաբերյալ ամբողջական դասընթաց անցնելու համար: Ծրագրի ավարտին բնակչության գյուղարտադրանքը ըստ արժանավույն ներկայացնելու, գովազդելու և գյուղական տուրիզմը խթանելու համար, որն իր հերթին լավագույնս կխթանի նոր գնորդներ հայտնաբերելուն, կազմակերպելու ենք գյուղմթերքների փառատոն, որը ՔՀԿ-ՏԻՄ-մարզպետարան համաձայնությամբ ու համագործակցությամբ դառնալու է ավանդական:
