Նոյեմբերի 30-ին Եվրամիության կողմից ֆինանսավորվող«Կառուցողական երկխոսության հանձնառություն» ծրագրի շրջանակներում տեղի ունեցավ «Աջակցություն պրոբացիային» ազգային ցանցի մշտադիտարկողների դասընթաց-քննարկումը։ Միջոցառմանը մասնակցում էին Ցանցի անդամ կազմակերպությունների ապագա մշտադիտարկողները, ովքեր կառուցողական քննարկման ձևաչափով փոփոխեցին մշտադիտարկման առաջարկվող գործիքակազմը։ Վերջնական տարբերակով գործիքները կներկայացվեն հաջորդ դասընթացի ընթացքում, որը տեղի կունենա հունվարի 10-ից 15-ն ընկած ժամանակահատվածում։
Դասընթացը կազմակերպելու նպատակով ստեղծվեց աշխատանքային խումբ, որի անդամներն են Տաթևիկ Թադևոսյանը (ՔՀԻ), Արմինե Հովհաննիսյանը (Ընտանիք և համայնք), Մարինա Ապրեսյանը (Ընդդեմ իրավական կամայականության)։
Նշենք, որ «Աջակցություն պրոբացիային» ազգային ցանցն իրականացնում է «Կառուցողական երկխոսության հանձնառություն» ծրագրի կողմից տրամադրված ենթադրամաշնորհային «Քայլ դեպի արդար Հայաստան» ծրագիրը:
«Կառուցողական երկխոսության հանձնառություն» ծրագիրն իրականացվում է ԵՄ ֆինանսավորմամբ՝ «Իրավաբանների հայկական ասոցիացիա» ՀԿ-ի կողմից գործընկերներ «Ագորա Սենթրլ Յուրոփ» ՀԿ-ի (Չեխիա), «Ժողովրդավարական կրթության հայկական կենտրոն-ՍԻՎԻՏԱՍ» ՀԿ-ի, «Մարդկային զարգացման միջազգային կենտրոն» ՀԿ-ի, «ՓՄՁ համագործակցության ասոցիացիա» ՀԿ-ի և «Հայաստանի համայնքների միություն» իրավաբանական անձանց միության հետ համագործակցությամբ:
Ծրագրի նպատակն է մեծացնել քաղաքացիական հասարակության կազմակերպությունների (ՔՀԿ) և դրանց կոալիցիաների/ցանցերի ազդեցությունը հանրային քաղաքականության մշակման գործընթացի վրա։ Սա հնարավորություն կտա կազմակերպություններին (ովքեր արդեն իսկ աշխատում են թիրախային կոալիցիաներում) ձեռք բերել նոր ռեսուրսներ, քաղհասարակության փորձագետներին միավորել և խրախուսել իրենց մասնակցությունը տեղական և ազգային քաղաքականությունների օրակարգի ձևավորմանը, հատկորոշել ընդհանուր խնդիրներն ու առաջնահերթությունները և դիմել կառավարությանը՝ կառուցողական և ռազմավարական քաղաքականության վերաբերյալ նախաձեռնություններով։
Ծրագրի շրջանակներում ենթադրամաշնորհներ կտրամադրվեն ՔՀԿ-ներին և ՔՀԿ-ների կոալիցիաներին, որոնք կուղղվեն հանրային քաղաքականությունների զարգացմանն ու կունենան շոշափելի արդյունքներ 9 թիրախային ոլորտում, որոնք են արդարադատությունը, մարդու իրավունքները, հանրային ֆինանսների կառավարումը, բիզնեսը, կրթությունը, սոցիալական ոլորտը. հաշմանդամություն ունեցող երեխաների սոցիալական ներառում, գյուղատնտեսությունը, տնտեսությունը, էներգետիկան:
