Ծրագրի անվանումը. «Սոցիալական ձեռնարկատիրությունը որպես համայնքային զարգացման մեխանիզմ»
Կազմակերպության անվանումը. «Հայաստանի սոցիալական ձեռնարկությունների ասոցիացիա» ԻԱՄԱ
Ծրագրի տևողությունը. 6 ամիս
Ծրագրի ընդհանուր բյուջեն. 5.500.000 ՀՀ դրամ: «Կառուցողական երկխոսության հանձնառություն» ծրագրից հայցվող ֆինանսավորման չափը. 4.950.000 ՀՀ դրամ: Դիմողի ֆինանսական ներդրման չափը. 550.000 ՀՀ դրամ:
Իրականացման վայրը. ՀՀ
Ծրագրի առանձնահատուկ նպատակն է`
Նպաստել ՏԻՄ – ՍՁ համագործակցային մոդելի ձևավորմանը և ՏԻՄ-երի կողմից համայնքային խնդիրների լուծման նպատակով ՍՁ-ների ստեղծման և զարգացման համար համայնքային բյուջեներից դրամաշնորհների հատկացման մեխանիզմների ստեղծմանը, ինչի համար անհրաժեշտ է իրականացնել հետևյալ գործողությունները.
- Իրականացնել սոցիալական ձեռնարկությունների հանրապետական ֆորում՝ Սոցիալական ձեռնարկատիրության միջոցով համայնքային զարգացման հաջողված օրինակների ցուցադրման և հանրայնացման նպատակով:
- Տնտեսական զարգացման և ներդրումների ու Տարածքային կառավարման նախարարությունների հետ համագործակցությամբ մշակել մեխանիզմներ և մրցութային եղանակով ընտրել առավել հետաքրքրված մեկ քաղաքային և մեկ գյուղական համայնք՝ որպես ծրագրի թիրախային համայնքներ։
- Մշակել ՏԻՄ-երի կողմից համայնքային խնդիրների լուծման նպատակով ՍՁ-ների ստեղծման և զարգացման համար համայնքային բյուջեներից դրամաշնորհների հատկացման մեխանիզմներ թիրախային համայնքներում։
- Ստեղծել օնլայն գործիք amհարթակի (Direct Democracy Platform) ձևաչափով, որը հնարավորություն կտա թիրախային համայնքներում խնդիրների վերհանման, առաջնահերթությունների որոշման, դրանց լուծման նպատակով ՍՁ գաղափարների գեներացման, այլ քաղաքացիների հետ դրանց քննարկման և վերջնական տարբերակը ՏԻՄ-ի ֆինանսավորմանը ներկայացման, ինչպես նաև դրանց հետագա մոնիտորինգի և գնահատման համար:
Ծրագրի արդյունքներն են
- Իրականացվել է մեկ ՍՁ համահայկական ֆորում` մինչև 150 մարդու մասնակցությամբ` ՍՁ միջոցով համայնքային զարգացման հաջողված օրինակների ցուցադրման և հանրայնացման նպատակով:
- Ձևավորվել է կառուցողական գործընկերություն ՀՍՁԱ-ի և թիրախային նախարարությունների (Տնտեսական զարգացման և ներդրումների, Տարածքային կառավարման) հետ։
- Մինչև ծրագրի երկրորդ ամսվա կեսը մրցութային եղանակով ընտրվել են ծրագրի թիրախային համայնքները.
- Իրականացվել է Համայնքային բյուջեների ուսումնասիրություն և մշակվել են փոփոխությունների առաջարկներ՝ ՍՁ-ների համար դրամաշնորհների տրամադրման տողի ներառմամբ:
- Բյուջեի փոփոխությունները հաստատվել են ավագանու որոշմամբ:
- ՏԻՄ-երի կողմից մշակվել են դրամաշնորհի մրցութային փաթեթ և ընթացակարգ:
- Ստեղծվել է օնլայն գործիք amհարթակի (Direct Democracy Platform) ձևաչափով, որի միջոցով թիրախային համայնքներում վեր են հանվել համայնքային խնդիրները և առաջարկվել են դրանց լուծման ՍՁ գաղափարներ:
